71வது தேசிய விருதுகள் – தமிழ் சினிமாவின் பெருமை!இந்தாண்டுக்கான 71வது தேசிய திரைப்பட விருதுகள் அறிவிக்கப்பட்டுள்ளன.
தமிழ் திரைப்படங்களுக்குப் பெரும் கௌரவமாக, ‘பார்கிங்’ எனும் படம் மூன்று தேசிய விருதுகளை பெற்றுள்ளது. அதில் மேலும், இசையமைப்பாளர் ஜி.வி. பிரகாஷ் சிறந்த பாடலுக்கான தேசிய விருதை வென்றுள்ளார்.இந்த வெற்றிகளுக்கு பின்னால் இருக்கும் தேசிய விருது அமைப்பும் அதன் தேர்வு முறைகளும் பலருக்குத் தெரியாமலேயே இருக்கின்றன
. எடுத்துக்காட்டாக: ஒரு திரைப்படம் திரையரங்கிலும், ஓடிடி தளங்களிலும் வெளியாகவில்லை என்றால், அதை தேசிய விருதுக்கு பரிசீலிக்க முடியுமா? ஒரு படம் எப்போது சான்றிதழ் பெற்றது என்பது முக்கியமா, அல்லது வெளியான வருடமா? ஜூரிகள் யார்? இவர்களை எப்படி தேர்வு செய்கிறார்கள்?இந்த சந்தேகங்களுக்கு விளக்கம் அளித்தவர் – இயக்குநர் கௌரவ் நாராயணன்,
இவர் 2023ஆம் ஆண்டுக்கான தேசிய விருதுகளுக்கான ஜூரி குழுவில் தமிழ்நாட்டிலிருந்து சேர்ந்தவர். ‘தூங்கா நகரம்’, ‘சிகரம் தொடு’, ‘இப்படை வெல்லும்’ போன்ற படங்களை இயக்கியவரும் கூட.🎙️ அவரது அனுபவம்:“இந்த வருட ஜூரியில் நான் மிகவும் இளம் வயதானவனாக இருந்தேன். கடந்த இருபது ஆண்டுகளில் இளமையான ஜூரியாக நான் இருக்கிறேன் என்றால் மிகையாகாது!”
தேசிய விருதுக்கு படங்களை அனுப்பும் முறை குறித்து அவர் கூறினார்:விருதுக்கு விண்ணப்பம் அனுப்புவதே முறை. இயக்குநர்கள் மற்றும் தயாரிப்பாளர்கள், அறிவிப்பு வந்தவுடன் தங்கள் படங்களை விண்ணப்பிக்கலாம்.படத்தை அனுப்பும் போது – சப்டைட்டில், ஃபான்ட், சப்மிஷன் கட்டுப்பாடுகள் ஆகியவைகளுக்கான வழிகாட்டுதல்களும் வழங்கப்படுகின்றன.ஒரு படத்துக்கு சென்சார் சான்றிதழ் இருந்தால் மட்டுமே அது விருதுக்கு பரிசீலிக்கப்படும் – அது திரையரங்கிலும், ஓடிடி-யிலும் வெளியானதா என்பது அவசியமில்லை.ஒரு இயக்குநர் எத்தனை படங்களாக வேண்டுமானாலும் அனுப்பலாம். ஆனால், விண்ணப்ப முறையில் தவறுகள் இருந்தால், விருது குழு தெளிவாக திருத்தக் கூறுவர். குறிப்பிட்ட தேதிக்குள் திருத்தம் செய்யப்படவில்லை என்றால் மட்டும் அந்தப் படம் நிராகரிக்கப்படும்.
இந்த ஆண்டு மட்டும் இந்திய முழுக்க 340-க்கும் மேற்பட்ட படங்கள் விருதுக்கு சமர்ப்பிக்கப்பட்டுள்ளன. ஒவ்வொன்றாகவும் ஜூரிகள் நேரில் பார்த்து மதிப்பீடு செய்த பின்னரே வெற்றியாளர்கள் தேர்வு செய்யப்படுகிறார்கள்.🎬 ஜூரிகள் தேர்வாகும் முறை:ஜூரிகளாக தேர்வு செய்ய விண்ணப்பிக்க முடியாது. தேசிய விருது குழுவே, தகுதியானவர்களை தேர்வு செய்து அழைக்கும். அவர்களின் படங்கள், சமூக தாக்கம், தரம் போன்றவை மதிப்பீடு செய்யப்பட்ட பின் தான் அழைப்பு வரும்.
மேலும், ஜூரியாக இருப்பவர்களுக்கு அனுப்பப்படும் படங்களில் எந்தவிதத் தொடர்பும் இருக்கக் கூடாது – நன்றி கூறப்படுவதற்க்கூட அனுமதி இல்லை.“இவ்வளவு நேர்த்தியான நடைமுறைகள், இத்தனை தடைகளை கடந்து தேசிய விருது வெல்லப்படுகிறதென்று எனக்கே இந்த அனுபவத்தில் தான் முழுமையாக புரிந்தது,” என்றார் கௌரவ் நாராயணன்.🇮🇳 தமிழ் திரைப்படங்களுக்கு மேலும் உயரம்!அவர் கடைசியாக கூறியது:“ஒவ்வொரு வருடமும் தமிழில் 250 படங்கள் வெளிவருகின்றன. அதில் குறைந்தபட்சம் 50% படங்கள் தேசிய விருதுக்கு விண்ணப்பிக்க வேண்டும் என்பதுதான் என் ஆசை!”
